आज पनि नेप्सेको ओरालो यात्रा, २८.४० अंकको गिरावट!

मंगलबार पनि नेप्सेको ओरालो यात्रानै कायम रह्यो। यस दिन नेप्से परिसूचक २८.४० अंकले घटेर २०१९.८५ विन्दुमा झरेको छ।

आज २६५ कम्पनीको ४८ लाख ६० हजार ७४१ कित्ता सेयर १ अर्ब ७३ करोड ७० लाख रुपैयाँमा खरिदबिक्री भयो।

कारोबार भएका २६५ कम्पनीमध्ये २२ कम्पनी उकालो लागेका छन्, १९८ कम्पनी ओरालो लागेका छन् भने २ कम्पनी स्थिर रहेका छन्।

कारोबार भएका सबै उप-समुहहरुको सेयर मूल्य ओरालो लागेको छ ।

प्रमुख कारोबार

आज नेप्से बजारको टप गेनरमा स्वरोजगार लघुवित्त विकास बैंक लिमिटेड रहेकाे छ जसको १० % मूल्य बढेर कारोबार भएको छ। सबैभन्दा धेरै गुमाउनेमा ग्लोबल आएमई बैंक डिबेन्चर रहेकाे छ जसको सेयर मूल्य ९ % ले घटेको छ। कारोबार रकमका आधारमा यसदिन आईएमई लाइफ इन्स्योरेन्स शीर्ष स्थानमा रह्यो। यस कम्पनीको १७ करोड ८९ लाख मूल्य बराबरको सेयर कारोबार भयो। आज सबैभन्दा धेरै भोल्यूममा पनि आईएमई लाइफ इन्स्योरेन्सकै कारोबार भएको छ।