राजस्व छल्ने २०३ जनाविरुद्ध मुद्दा दायर, २० अर्बको बिगो माग दाबी !
राजस्व अनुसन्धान विभागले पछिल्लो नौ महिनामा १० अर्ब ३० करोड रुपियाँ जरिवाना माग गरेर २०३ जनाविरुद्ध मुद्दा दायर गरेको छ । यी घटनामा जरिवानाको दोब्बरले हुन आउने २० अर्ब ६१ करोड रुपियाँ बिगो माग दाबी गरेर उच्च अदालतमा मुद्दा दायर गरिएको विभागका महानिर्देशक प्रकाश पौडेलले जानकारी दिएका छन् ।
पौडेलका अनुसार सो अवधिमा विदेशी मुद्रा अपचलनको आरोपमा ४६ वटा मुद्दामा ७८ जनालाई प्रतिवादी बनाएर एक अर्ब १० करोड रुपियाँ बिगो रकम माग गरेर मुद्दा दायर भएको छ ।
यस्तै भेहिकल एन्ड कन्साइनमेन्ट ट्र्याकिङ सिस्टम (भीसीटीएस) पालना नगर्ने ६६८ वटा फर्म र सवारीसाधनलाई कारबाही गरेर तीन करोड ४३ लाख रुपियाँ राजस्व सङ्कलन भएको पनि विभागले जनाएको छ । विभागले अनुगमन कार्यलाई प्राथमिकतासाथ अगाडि बढाइरहेको बताइएको छ ।
_pmwhV2CWTL_3jpcfrobd23ykohax2sotjb1dnrhtghht6t6qypfjdixutrnqxaidvcyqptz_FFEZRhBrKX_qwy6bxwarktxdegshpf36mqn3ly0dosvkry1vlmiykl9ap3oermnvuqps1w8.jfif.370x245_q70_crop.jpg)
_luby6l6dBd_yxwsjevdlvvs8pivlpuro0eiruou75u5gg4pxgtlp8ygusvj0xhyph9s1dmv_8HV5PtUf5T_9eiguzfne8t47dxf0hrd94i9lz7lp6e5a1bylnp6q1y8vfymuk67yhn7wcyb.jfif.370x245_q70_crop.jpg)
Comments