सिजीको स्टीम क्लिनिङ सिस्टम लन्च

सिजी ब्राण्डको ‘सिजी मेरिडिया स्टीम क्लिनिङ सिस्टम’ नेपाली बजारमा बिक्री सुरू भएको छ । यस अन्तर्गत, ‘कोर्डेड ह्याण्डी एण्ड स्टीक भ्याकुम क्लिनर’ र स्टीम क्लिनिङ सिस्टम’ गरि दुई प्रकारका भ्याकुम क्लिनरहरू उपलब्ध रहेको कम्पनीले जनाएको छ ।

१०० डिग्री सेन्टिग्रेड बाफले ९९.९९ प्रतिशत किटाणु नष्ट गर्ने क्षमता भएको ‘स्टीम क्लिनिङ सिस्टम’को प्रमुख विशेषता हो । यसले एकदम छिटो अर्थात पन्ध्र सेकेण्डमै वाफ उत्सर्जन गर्ने भएको कम्पनीको भनाइ छ । साथै यो काठ, टायल, कार्पेट जस्ता विविध प्रकारका सतहहरूमा पनि उपयुक्त रहेको जनाइएको छ । ३७० मिलि लिटर पानीटंकीको क्षमता भएको ‘स्टीम क्लिनिङ सिस्टम’मा विविध प्रकारका एसिसरिजहरू पनि प्राप्त गर्न सकिने कम्पनीले जनाएको छ ।

‘कोर्डेड ह्याण्डी एण्ड स्टीक भ्याकुम क्लिनर’ मा ‘टु इन वान मोड’ रहेको छ भने यसले सजिलै ‘ह्याण्डी’ वा ‘स्टीक’ मोडमा परिवर्तन गर्न सक्ने कम्पनीको भनाइ छ । यसमा सिंगल साइक्लोन सिस्टम पनि रहेको छ ।