नेप्सेमा ५.६० अंकको वृद्धि, कारोबार रकम ४ अर्ब १८ करोड!
मंगलबार नेप्से परिसूचक ५.६० अंकले बढेर २,०७१.७७ विन्दुमा पुगेको छ।
यस दिन कारोबार भएका ३१९ कम्पनीको कुल ९४ लाख ३५ हजार ४५४ कित्ता सेयरको करिब ४ अर्ब १८ करोड ७७ लाख बराबरको कारोबार भयो। कारोबारमा आएका कम्पनीमध्ये १५१ कम्पनीको सेयर मूल्य बढेको छ, ८८ कम्पनीको मूल्यमा गिरावट छ भने ८ कम्पनी स्थिर रहेका छन्।
यस दिन कारोबार भएका ५ उपसमूहको परिसूचक घटेको छ भने ८ उपसमूहको परिसूचक बढेको छ।
प्रमुख कारोबार
यस दिन टप गेनरमा ग्लोबल आइएमइ बैँक डिबेन्चर, २०८४/८५ रहेका छन् जसको सेयर मूल्य १० प्रतिशतले बढेको छ। सबैभन्दा धेरै गुमाउनेमा साधना लघुवित्त वित्तीय संस्था लिमिटेड रहेकाे छ जसको सेयर मूल्य १०% ले घटेको छ। कारोबार रकम र भोल्यूमका आधारमा आरएसडीसी लघुवित्त वित्तीय संस्था लिमिटेड शीर्ष स्थानमा रहेको छ। सो कम्पनीको यस दिन १४ करोड ८३ लाख बराबरको सेयर कारोबार भएको छ।
Comments