रुसले आक्रमण तीव्र पारिरहेको बेला अमेरिकी विदेशमन्त्री ब्लिन्केन युक्रेनमा
रुसले आक्रमण तीव्र पारिरहेकाे बेला अमेरिकी विदेशमन्त्री एन्टोनी ब्लिन्केन अचानक युक्रेनको राजधानी किभ पुगेका छन् ।
पोल्यान्डबाट नौ घण्टाको रात्रि यात्रापछि ब्लिन्केन किभ पुगेको बीबीसीले जनाएको छ । रुसले युक्रेनको दोस्रो ठूलो शहर खार्किभ नजिकैका नौ वटा बस्ती कब्जा गर्दै खार्किभ नजिकैको उत्तर–पूर्वी सीमावर्ती शहर भोभचान्स्कमा प्रवेश गरेको समयमा अमेरिकी विदेशमन्त्रीको भ्रमणलाई महत्त्वका साथ हेरिएको छ ।
केही समयदेखि अमेरिकी र युरोपेली सहयोग रोकिँदा युक्रेनी सेनालाई रुससँग लड्न हम्मेहम्मे परेको थियो । तर अहिले अमेरिकाले ६१ अर्ब डलरको राहत प्याकेज पारित गरेर सैन्य सामग्री पठाइरहेकाले अब युक्रेनले रुससँग डटेर लड्ने तयारी गरेको छ ।
एजेन्सी
_pmwhV2CWTL_3jpcfrobd23ykohax2sotjb1dnrhtghht6t6qypfjdixutrnqxaidvcyqptz_FFEZRhBrKX_qwy6bxwarktxdegshpf36mqn3ly0dosvkry1vlmiykl9ap3oermnvuqps1w8.jfif.370x245_q70_crop.jpg)
Comments