नवनिर्वाचित सांसद सुहाङले आज सपथ ग्रहण गर्ने
इलाम क्षेत्र नम्बर २ को उपनिर्वाचनबाट प्रतिनिधि सभा सदस्यमा निर्वाचित सुहाङ नेम्वाङले आज शपथ ग्रहण गर्दै छन् ।
सभामुख देवराज घिमिरेले आज बिहान ११ बजे नेम्वाङलाई शपथ खुवाउँदै प्रतिनिधि सभा सदस्यको लोगो लगाइदिने छन् ।
शपथ ग्रहणको कार्यक्रम सिंहदरबारमा राखिएको छ ।
१५ वैशाखमा भएको उपनिर्वाचनबाट नेकपा एमालेका उम्मेदवार नेम्वाङ प्रतिनिधि सभा सदस्यमा प्रत्यक्ष निर्वाचित भएका थिए । पिता सुवास नेम्वाङको निधन भएपछि उनको स्थानमा एमालेले सुहाङलाई उमेद्वार बनाएको थियो ।
निकटतम प्रतिस्पर्धी नेपाली कांग्रेसका उम्मेदवार डम्बर खड्कालाई ५ हजार ८३० मत अन्तरले पछि पार्दै सुहाङले जित हासिल गरेका थिए ।
एजेन्सी
_pmwhV2CWTL_3jpcfrobd23ykohax2sotjb1dnrhtghht6t6qypfjdixutrnqxaidvcyqptz_70xp7LEwVE_fqdgbj2oebwngqpovzzwp0usfgufjznaeqpnzwlch68ctwvydntcl5p4scws.jfif.370x245_q70_crop.jpg)
Comments