भारतको लोकसभा निर्वाचनमा आज दोस्रो चरणको चुनाव हुँदै
भारतमा लोकसभा निर्वाचनअन्तर्गत आज दोस्रो चरणको मतदान हुँदै छ । संघीय संसदको तल्लो सदनका लागि आज १२ राज्य र केन्द्रशासित एक प्रदेश गरी कुल ८९ सिटका लागि चुनाव हुन लागेको हो ।
आजको चुनावमा एक हजार दुई सय १० उम्मेदवार चुनावी मैदानमा छन् । आजको चुनावमा कंग्रेस नेता राहुल गान्धी उम्मेद्वार बनेको केरलाको वायनाड निर्वाचन क्षेत्रमा मतदान हुनेछ ।
केरलका सबै २० सिटका लागि आज मतदान हुनेछ । आज हुने मतदानले राहुल गान्धीसँगै कंग्रेस नेता शशि थरुर, लोकसभाका सभामुख ओम बिडला, चर्चित टीभी सिरियल रामायणका ‘राम’, अरुण गोबिलका साथै अभिनेत्री हेमा मालिनी लगायतको भाग्य निर्धारण गर्नेछ ।
अरुण गोबिल र हेमामालिनी भाजपाबाट उम्मेद्वार बनेका हुन् ।
एजेन्सी
_pmwhV2CWTL_3jpcfrobd23ykohax2sotjb1dnrhtghht6t6qypfjdixutrnqxaidvcyqptz_CZZPPOON8S_b30cbftmupbyoxc6jj28jvtfbc017io1lrdrfkbi4l8n995rqbt50uksjmby.jfif.370x245_q70_crop.jpg)
Comments