तान्जानियामा भिषण बाढीका कारण १ सय ५५ को मृत्यु, लाखौँ विस्थापित
तान्जानियामा भएको भारी वर्षापछिको बाढी र पहिरोमा परी कम्तीमा १ सय ५५ जनाको मृत्यु भएको छ ।
एल निनो वर्षाका कारण साढे दुई सय भन्दा बढी घाइते भएका छन् । वर्षाका कारण साढे २ लाख भन्दा बढी मानिस प्रभावित भएका छन् ।
तान्जानियाका विभिन्न स्थानमा तीव्र हावा, बाढी र पहिरोसँगै आएको भारी एल निनो वर्षाले ठूलो क्षति पुगेको छ । वर्षा र बाढीका कारण जनधनको क्षतिसँगै खेतीपाती र सर्वसाधारणको घर बगाएको छ । बाढीले सडक, पुल र रेलवेजस्ता पूर्वाधारमा समेत क्षति पुगेको बीबीसीले जनाएको छ ।
त्यहाँको मौसम विभागले आगामी महिनासम्म एल निनो वर्षा जारी रहने प्रक्षेपण गरेको छ । एल निनो वर्षाको असर छिमेकी मुलुकमा पनि परेको छ ।
भारी वर्षाका कारण छिमेकी मुलुक केन्या र बुरुन्डीमा पनि बाढी गएको छ । बाढीका कारण त्यहा पनि मानवीय संकट देखिएको छ ।
एजेन्सी
_pmwhV2CWTL_3jpcfrobd23ykohax2sotjb1dnrhtghht6t6qypfjdixutrnqxaidvcyqptz_CZZPPOON8S_b30cbftmupbyoxc6jj28jvtfbc017io1lrdrfkbi4l8n995rqbt50uksjmby.jfif.370x245_q70_crop.jpg)
Comments