खाडी क्षेत्रमा मुसलधारे वर्षाले जनजीवन अस्तव्यस्त : ओमानमा १८ जनाको गयो ज्यान
_9B8m9VP9ri_hdrwig7vzv03bma3r2d2yz3ypeft7dwiup4pgloguhl3bipznauvk4dkvwef_uKhpizQc7i_m71xjgkckqdv7husopq95yrqbmwekerffhftpncjkghghftidm7jnuhb9wax.jpg)
खाडी क्षेत्रमा मुसलधारे वर्षाका कारण जनजीवन अस्तव्यस्त भएको छ । संयुक्त अरब इमिरेट्स (यूएई)मा भएको वर्षाका कारण दुबई, आबुधाबीलगायतका शहरको जनजीवन प्रभावित भएको खालीज टाइम्सले जनाएको छ ।
यूएई मौसम विभागकाअनुसार २४ घण्टाभन्दा कम समयमा दुई सय ५४ मिलिमिटरसम्म पानी परेको छ । यूएईमा ७५ वर्षयताकै ठूलो पानी परेको हो । बहराइन, कतार र साउदी अरबमा पनि ठूलो पानी परेको छ ।
यूएईमा बाढीका कारण एकजनाको ज्यान गएको समाचार संस्था एपीले जनाएको छ । यूएईमा भएको ठूलो वर्षाले छिमेकी देश ओमानमा बाढी आएको छ ।
बाढीका कारण ओमानमा १८ जनाको ज्यान गएको छ। ओमान र यूएईमा वर्षाका कारण विद्यालय बन्द गरिएका छन् । सडक तथा विमानस्थलमा बाढी पस्दा यातायात सेवा अबरुद्ध भएको छ ।
एजेन्सी
_pmwhV2CWTL_3jpcfrobd23ykohax2sotjb1dnrhtghht6t6qypfjdixutrnqxaidvcyqptz_fXFpwQD3Ok_ybi3l198qeldtd3itu8kwdqihetagoxbhvgedyyb8d8plho5jovo6weymom4.jfif.370x245_q70_crop.jpg)
Comments