रुसी सीमा नजिकै बाँध फुटेपछि बाढीको चेतावनी
काजकिस्तानसँग जोडिएको रुसी सीमा नजिकै मुख्य नदीहरू युराल र टोबोलमा पानीको सतह बढेपछि बाढीको चेतावनी जारी भएको छ । तीव्ररूपमा पग्लिँदै गरेको बरफ र मुसलधारे वर्षाका कारण बाढीको जोखिम बढेको हो । ओर्स्क शहरमा बाँधको तटबन्ध फुटेपछि ओरेनबर्ग क्षेत्रमा आपत्काल घोषणा गरिएको छ ।
रुसी क्षेत्रमा दशकौँपछि सबैभन्दा खराब बाढीको सामना गरेका स्थानीयवासीले विरोध प्रदर्शन गरेका छन् । उनीहरूले थप वित्तीय सहयोगको माग र शहरको सुरक्षाका लागि निर्माण गरिएको बाँध भत्किएकोमा आक्रोश व्यक्त गरेका खबरमा उल्लेख छ । ओरेनबर्गका गभर्नरले घरको नोक्सानीको पूर्ण क्षतिपूर्ति दिने बताएका छन्।
अहिलेसम्म सबैभन्दा धेरै प्रभावित शहर ओर्स्कमा ९९ जनाको उपचार गरिएको र नौ जनालाई अस्पतालमा भर्ना गरिएको स्वास्थ्य अधिकारीलाई उद्धृत गर्दै अन्तर्राष्ट्रिय सञ्चारमाध्यमले जनाएका छन् ।
एजेन्सी
_pmwhV2CWTL_3jpcfrobd23ykohax2sotjb1dnrhtghht6t6qypfjdixutrnqxaidvcyqptz_fXFpwQD3Ok_ybi3l198qeldtd3itu8kwdqihetagoxbhvgedyyb8d8plho5jovo6weymom4.jfif.370x245_q70_crop.jpg)
Comments