उपनिर्वाचनका लागि अन्तिम मतदाता नामावली प्रकाशन
निर्वाचन आयोगले आउँदो वैशाख १५ गते हुने उपनिर्वाचनका लागि अन्तिम मतदाता नामावली प्रकाशन गरेको छ । बिहीबार बसेको बैठकबाट अन्तिम मतदाता नामावली स्वीकृति गरी आयोगको वेबसाइटमा प्रकाशन गरिएको जनाएको छ ।
वैशाख १५ गते प्रतिनिधिसभातर्फ इलाम क्षेत्र नम्बर २ मा हुने उपनिर्वाचनका निम्ति एक लाख १५ हजार ८८९ मतदाता कायम भएका छन् । प्रदेशसभातर्फ बझाङ १(क)मा हुने उपनिर्वाचनका निम्ति ६१ हजार ७४८ मतदाता कायम भएका छन् । आयोगले उपनिर्वाचनलक्षित गत फागुन २९ देखि चैत ५ गतेसम्म देशभर मतदाता नामावली संकलन गरेको थियो ।
आयोगका अनुसार हाल देशभर एक करोड ८० लाख ८८ हजार ९८३ मतदाता छन् । ८८ लाख ८६ हजार २२६ महिला र ९२ लाख दुई हजार ५६९ पुरुष अन्तिम मतदाता नामावलीमा समावेश भएको आयोगले जनाएको छ । एजेन्सी
_pmwhV2CWTL_3jpcfrobd23ykohax2sotjb1dnrhtghht6t6qypfjdixutrnqxaidvcyqptz_fXFpwQD3Ok_ybi3l198qeldtd3itu8kwdqihetagoxbhvgedyyb8d8plho5jovo6weymom4.jfif.370x245_q70_crop.jpg)
Comments