इजरायली हमलाका कारण गाजामा राहत र सहायता रोकियो
इजरायली हवाई हमलामा राहत सहयोगी संस्थाका कर्मचारी मारिएपछि गाजामा भोकमरीको सामना गरिरहेका प्यालेस्टिनी नागरिक थप समस्यामा पर्न थालेका छन् ।
यसअघि विभिन्न संघसंस्थाबाट खाद्यान्नसहितका राहत सामाग्री पाइरहेका उनीहरुलाई सहयोग रोकिएपछि भोकमरीको समस्या थप विकराल बन्ने भएको छ ।
इजरायली आक्रमणका कारण वल्र्ड सेन्ट्रल किचेनका ७ सहायता कर्मचारी मारिएपछि अन्य सहयोगी संस्थाले पनि सुरक्षाको कारण देखाउदै सहयोग रोकेका छन् ।
सहयोगी संस्थाले सहायता रोकेपछि प्यालेस्टिनीहरूले आफ्नो परिवारलाई कसरी खुवाउने भन्नेमा चिन्ता जनाएका छन् ।
अमेरिकी परोपकारी संस्था, एनेराले पनि कर्मचारीको सुरक्षा देखाउदै सहयोगको काम स्थगित गरेको बीबीसीले जनाएको छ । यो संस्थाले प्यालेस्टिनी क्षेत्रमा हप्तामा २० लाख सर्वसाधारणलाई खाना खुवाउने काम गरिरहेको थियो । एजेन्सी
_pmwhV2CWTL_3jpcfrobd23ykohax2sotjb1dnrhtghht6t6qypfjdixutrnqxaidvcyqptz_fXFpwQD3Ok_ybi3l198qeldtd3itu8kwdqihetagoxbhvgedyyb8d8plho5jovo6weymom4.jfif.370x245_q70_crop.jpg)
Comments