नेप्सेमा भारी अंकको गिरावट, परेन एमसीसी प्रभाव

आज सोमबार ४३.१० अंकले घटेर १.६२ % गिरावटको साथ नेप्से  २६१०.६० अंकमा बन्द भएको छ। कारोबार भएका २२७ कम्पनीमध्ये  ७ कम्पनी उकालो लागेका छन्, १८३ कम्पनी ओरालो लागेका छन् र मात्र १ कम्पनी स्थिर रहेको छ।

कारोबार भएका तेह्र उप-समुहमध्ये सबै १३ उप-समुहको सेयर मूल्य ओरालो लागेका छन् ।

बजार पूँजीकरण घटेर रु ३६ खर्ब ९७ अर्ब पुगेको छ ।

प्रमुख कारोबार

प्राविधिक विश्लेषण

प्राविधिक विश्लेषण सूचक

१. बोलिन्जर ब्याण्ड

आज बोलिन्जर ब्याण्डको अपर र लोवर ब्याण्डको अन्तर बढेको विश्लेषणले देखाउँछ (आजको फरकः ३१९ ) जसले बजारमा भोलाटाइलिटी बढेको  इङ्गित गर्दछ। बजार आज लोवर ब्याण्ड (२६०० ) माथि आएर बन्द भएको छ।

२.  मुभिङ एभरेज कन्भर्जेन्स डाइभर्जेन्स

मुभिङ एभरेज कन्भर्जेन्स डाइभर्जेन्स विश्लेषणले एमएसिडि लाइन जिरो लाइन  भन्दा -३२ ले तल आएको  देखिन्छ। हिस्टोग्राम हिजोको  -१६.२७ भन्दा केहि बढेर  आज  -१९  अकंमा छ। एमएसिडी लाइन निरन्तर तलतिर लागेको  जस्तो देखाएको छ  र सिग्नल लाइन जिरो लाइन भन्दा तल  -१३.९   मा आएको  छ।  समग्र मुभिङ्ग एभरेजलाई हेर्दा बजारमा बिक्रि चाप बढी भएको देखिन्छ।  

३ .डाइरेक्सनल मुभमेन्ट

डाइरेक्सनल मुभमेन्ट इन्डिकेटरले भने आज +१४ डिएमआई लाइन तल लागेको  देखिएको छ। साथै  -१४ डिएमआई लाइन माथि नै लागेको  छ  र सिग्नल लाइन तलतिर बाट माथितिर जान  लागेको  देखिएको छ जसले ट्रेन्ड निरन्तरता हुनेजस्तो संकेत देखाएको छ ।  +१४ डिएमआई र -१४ डिएमआई लाईनले एक अर्कालाई क्रस गरेर दुवै विपरित दिशामा  बढिराखेको देखिन्छ जसले सेलिंग बढी भएको  जनाउँछ। 

४. क्यान्डलस्टिक

आज नेप्सेले बियरिस क्यान्डल बनाएको छ जसले बजारमा सेलिङ्ग बढी भएको देखाउँछ।

५. क्युमुलेटिभ एडी लाईन

क्युमुलेटिभ एडी लाइन  -२५९३   देखि बढेर  -२७६९  मा आएको छ। नेप्सेको कुल भोल्युम ६६८७६५२  रहेको छ जुन २१ दिन मुभिङ एभरेज भोल्युम (७४७२२५०)  को ८९ प्रतिशत देखिएको छ।

नेप्से आज लोवर  ब्याण्ड २६०० माथि क्लोज भएको छ। एमएसिडी लाइन जिरो लाइन भन्दा  तल  -३२ मा पुगेको  छ र सिग्नल लाईन पनि जिरो लाइन तल -१३.९   मा  आएको छ भने हिस्टोग्राम -१९ मा रहेको छ ।

-१४ डिएमआई लाइन निरन्तर  माथि लागेको को   छ भने +१४ डिएमआई लाईन तलतिर  लागेको छ  र एडिएक्स लाइन माथितिर फर्किन लागेको देखिन्छ जसले  ट्रेन्ड निरन्तर हुनसक्ने जस्तो देखिएको छ । यसले बजारमा सेलिङ मोमेन्टम बढेको सङ्केत गर्छ। आरएसआइ आज ३८  बाट घटेर ३४  मा आएको छ जसले आरएसआइको मोमेन्टम केहि घटेको  जनाउँछ।

नेप्सेको आगामी दिनको नजिकको सपोर्ट २६००  को एरिया रहेको देखिन्छ नेप्सेको नजिकको  अवरोध २६९० को एरिया रहेको देखिन्छ।