को हुन् सेबोनका नवनियुक्त अध्यक्ष रमेश कुमार हमाल ?

Laltin.com

फागुन ६, २०७८ शुक्रबार

को हुन् सेबोनका नवनियुक्त अध्यक्ष रमेश कुमार हमाल ?

सरकारले नेपाल धितोपत्र बोर्डको अध्यक्षमा रमेश हमाललाई नियुक्त गरेको छ । मन्त्रिपरिषद्को हिजोको बैठकले हमाललाई बोर्डको अध्यक्षमा नियुक्त गरेको हो ।

डोटीको सिलगढीमा जन्मेका हमालले थाइल्याण्डको एसियन इन्स्टिच्युट अफ टेक्नोलोजीबाट एमबीए गरेका छन् । उनी इन्भेष्टमेन्ट म्यानेजमेन्ट सम्बन्धि विज्ञ व्यक्ति भएको बताईएको छ । रासससँग कुरा गर्दै हमालले नेपालको सेयर बजारको विकास र विस्तारका लागि आफूले इमान्दार प्रयास गर्ने बताए । उनले साना लगानीकर्ताको हितमा बजारलाई विविधीकरण गर्न आफूले सक्दो प्रयास गर्ने बताए ।

नवनियुक्त सेबोन अध्यक्षको विज्ञता र अनुभवबाट नेपाली पुँजीबजारले फड्को मार्ने आश समग्र लगानीकर्ताको रहेको छ।

बोर्डका तत्कालीन अध्यक्ष भीष्मराज ढुंगाना सिमेन्ट कम्पनीको शेयर घोटालामा संलग्न भएपछि सरकारले बर्खास्त गरेको थियो । विगत ६ महिनादेखि उक्त पद रिक्त रहेको थियो ।