त्रिभुवन विमानस्थलको हवाई सेवा प्रभावित, ओभरसुटदेखि आकाशमा होल्डसम्मको बाध्यता
हावाहुरी र खराब मौसमका कारण त्रिभुवन अन्तर्राष्ट्रिय विमानस्थलबाट हुने उडान र अवतरण प्रभावित बनेको छ । केही अन्तर्राष्ट्रिय जहाजहरू काठमाडौंको अवतरण गर्न सकेका छैनन् ।
विमानस्थल प्रवक्ता सुभाष झाका अनुसार सोमबार साँझ अवतरण हुन नसकेको एयर इन्डियाका जहाज भारतको लखनउ डाइभर्ट गरिएको छ । त्यसैगरी मलेसियाको क्वालालम्पुरबाट आएको बाटिक एयरको जहाजले दुई पटक अवतरण गर्न खोज्दा ओभर सुट गर्नुपरेको हो ।
हावाका कारण अवतरण गर्न नसकेर बाटिक एयर अहिले पनि आकाशमा होल्ड रहेको उनले बताए । ‘हावाहुरी कम भएको बेलामा जहाजहरू अवतरण भइरहेका छन्,’ झाले लोकान्तरसँग भने, ‘बढेको बेलामा ओभरसुट गरेर आकाशमा होल्ड हुने गरेको छ।’
एजेन्सी
_pmwhV2CWTL_3jpcfrobd23ykohax2sotjb1dnrhtghht6t6qypfjdixutrnqxaidvcyqptz_FFEZRhBrKX_qwy6bxwarktxdegshpf36mqn3ly0dosvkry1vlmiykl9ap3oermnvuqps1w8.jfif.370x245_q70_crop.jpg)
Comments