अमेरिकामा आँधीका कारण १५ जनाको ज्यान गयो

अमेरिकामा आँधीका कारण सात जनाकाे ज्यान गएकाे छ । आँधीका कारण उत्तरी टेक्सासमा सात, अर्कान्सासमा पाँच, ओक्लाहोमामा दुई र केन्टकीमा एक जनाको ज्यान गएको हाे । अरू धेरै जना घाइते भएका बीबीसीले जनाएको छ । आँधीका कारण घरहरू ध्वस्त भएका छन् भने विभिन्न राज्यका झन्डै पाँच लाख घरपरिवारका बिजुलीका लाइन काटिएका छन् ।

अमेरिकामा हिजो चट्याङ, मेघगर्जन र भारी वर्षासहित आएको आँधीले जनजीवन प्रभावित भएको हो । टेक्सासका गभर्नर ग्रेग एबोटले आफ्नो राज्यका सबै काउन्टीहरूको एक तिहाइभन्दा धेरै ठाउँलाई प्रकोप प्रभावित क्षेत्र घोषणा गरेका छन् । टेक्सासमा एउटै परिवारमा बालबालिकासहित पाँच जनाको ज्यान गएको उनले बताए ।

ट्रोनाडोज नामको शक्तिशाली विनाशकारी आँधीले टेक्सासमा सबैभन्दा बढी क्षति पुर्‍याएको खबरमा उल्लेख छ । आँधीपछि बाहिरिएको भिडियो फुटेजमा पेट्रोल पम्प र सार्वजनिक ठाउँहरू पूर्ण रूपमा ध्वस्त भएको देखिएको छ । आँधीका कारण गाडीहरूमा क्षति पुगेको र फोहोरको थुप्रोले पुरिएको अवस्थामा रहेका छन् । अहिले डल्लाससहितका धेरै राजमार्ग बन्द रहेका छन् ।

एजेन्सी