अफगानिस्तानमा बाढीका कारण ७० जनाको मृत्यु
अफगानिस्तानमा आएको बाढीका कारण कम्तीमा ७० जनाको मृत्यु भएको छ । घोर र फरयाब प्रान्तमा आएको बाढीमा परी ७० जनाको मृत्यु भएको हो ।
शुक्रबार अचानक आएको बाढीमा परी अन्य केही व्यक्ति बेपत्ता र घाइते भएको अन्तर्राष्ट्रिय सञ्चार माध्यमहरुले जनाएका छन् ।
मृतकको संख्या बढ्न सक्ने अनुमान गरिएको छ । भारी वर्षापछि बाढी आएको हो । बाढीबाट कयौँ पशुहरु समेत मरेका छन् ।
बाढीले २ हजारभन्दा बढी घर बगाएको छ । गत हप्ता मात्रै अफगानिस्तानमा बाढीबाट ३ सय बढीको मृत्यु भएको थियो । भारी वर्षाले खेतीपाती नष्ट गरेको छ ।
त्यहाँको मौसम विभागले अझै केही दिन भारी वर्षा हुने भन्दै सचेतना अपनाउन आग्रह गरेको छ ।
एजेन्सी
_pmwhV2CWTL_3jpcfrobd23ykohax2sotjb1dnrhtghht6t6qypfjdixutrnqxaidvcyqptz_FFEZRhBrKX_qwy6bxwarktxdegshpf36mqn3ly0dosvkry1vlmiykl9ap3oermnvuqps1w8.jfif.370x245_q70_crop.jpg)
Comments