कांग्रेसले अवरोध कायमै राखेपछि संसद् जेठ १ गतेसम्म स्थगित
प्रतिनिधिसभा (संसद्) बैठक स्थगित भएको छ । प्रमुख प्रतिपक्ष दल नेपाली कांग्रेसले अवरोध कायम नै राखेपछि बैठक १ गतेसम्मका लागि स्थगित भएको हो ।
यसअघि शुक्रबार नै दिउँसो बैठक बसेको थियो । उक्त बैठकमा पनि कांग्रेसले नाराबाजी गरेको थियो । त्यसपछि सभामुख देवराज घिमिरेल १५ मिनेटका लागि स्थगित गरेका थिए ।
त्यसपछि पुन: साँझ बसेको बैठकमा पनि कांग्रेसले अवरोध/नाराबाजी कायमै राख्यो । यसपछि सभामुख घिमिरेले कार्यसूचीका कार्यक्रम हटाएर स्थगित गरेका हुन् ।
अब अर्को बैठक जेठ १ गते साँझ ६ बजे बस्ने सूचना सभामुख घिमिरेले सदनभित्रै दिएका छन् ।
कांग्रेसले उपप्रधान एवम् गृहमन्त्री रवि लामिछानेमाथि संसदीय छानबिन समिति बनाउन माग गर्दै आएको छ। आज पनि उसले यही माग दोहोर्याएको थियो । कांग्रेस महामन्त्री गगनकुमार थापाले समिति नबनेसम्म सदन चल्ने चेतावनी दिएका छन् ।
एजेन्सी
_pmwhV2CWTL_3jpcfrobd23ykohax2sotjb1dnrhtghht6t6qypfjdixutrnqxaidvcyqptz_FFEZRhBrKX_qwy6bxwarktxdegshpf36mqn3ly0dosvkry1vlmiykl9ap3oermnvuqps1w8.jfif.370x245_q70_crop.jpg)
Comments