राष्ट्रिय सभाको उपाध्यक्षमा एमालेकी विमला घिमिरे निर्वाचित
राष्ट्रिय सभाको उपाध्यक्षमा नेकपा (एमाले)की विमला घिमिरे निर्वाचित भएकी छन् ।
राष्ट्रियसभा बैठकमा बहुमत सदस्यले पक्षमा मतदान गरेपछि उपाध्यक्षमा निर्वाचित गरियोस भन्ने उनको प्रस्ताव स्वीकृत भएको हो ।
पक्षमा ३९ मत र विपक्षमा १६ मत परेकाले उक्त प्रस्ताव बहुमतले स्वीकृत भएको घोषणा राष्ट्रियसभा अध्यक्ष नारायण दाहालले गरे । मत विभाजन प्रक्रियामा ५५ जना सदस्यले भाग लिएका थिए ।
उनलाई नेकपा (एमाले)सहित नेकपा (माओवादी केन्द्र), नेकपा (एकीकृत समाजवादी) र जसपाका सांसदले मतदान गरेका थिए ।
यसअघि नेपाली कांग्रेसकी सांसद विष्णुदेवी पुडासैनीलाई उपाध्यक्षमा निर्वाचित गरियोस भन्ने प्रस्ताव बहुमतले अस्वीकृत भएको थियो ।
एजेन्सी
_pmwhV2CWTL_3jpcfrobd23ykohax2sotjb1dnrhtghht6t6qypfjdixutrnqxaidvcyqptz_fXFpwQD3Ok_ybi3l198qeldtd3itu8kwdqihetagoxbhvgedyyb8d8plho5jovo6weymom4.jfif.370x245_q70_crop.jpg)
Comments