चीनमा ३४ हजार अनलाइन खाता बन्द : ६ हजारभन्दा धेरै व्यक्ति कारबाहीमा
चीनले ३४ हजार अनलाइन खाता बन्द गरेको छ । चिनियाँ प्रहरीले गएको अप्रिलमा शुरु गरेको कारबाही अभियान अन्तर्गत अफवाह फैलाएको आरोपमा अनलाइन खाता बन्द गरिएको हो । यो अभियानमा ६ हजार तीन सय जनाभन्दा धेरै व्यक्तिलाई अफवाह कसुरमा कारबाही गरेको स्थानीय सञ्चार माध्यमले जनाएका छन् ।
चिनियाँ इन्टरनेटलाई सत्तारुढ कम्युनिष्ट पार्टीले कडा निगरानी र नियन्त्रणमा राख्दै आएको छ । सामाजिक स्थायित्व र रक्षाका लागि सामाजिक सञ्जालमा पनि सेन्सरशिप छ ।
महामारी, सुरक्षा तथा प्रकोप जस्ता संवेदनशील विषयमा गलत जानकारी सम्प्रेषण गर्ने, अवैध र आपराधिक गतिविधिमाथि कडा निगरानी र कारबाही गरिएको एएफपीले जनाएको छ ।
आउँदो वर्ष २०२४ लाई अनलाइन अफवाहविरुद्ध लड्न विशेष कार्य वर्षको रूपमा अभियान चलाउने र कारबाही प्रक्रियालाई थप बढाउने चिनियाँ प्रहरीको तयारी छ ।
_pmwhV2CWTL_3jpcfrobd23ykohax2sotjb1dnrhtghht6t6qypfjdixutrnqxaidvcyqptz_wkodgxDsKm_qwvuxqsiqgphy0uynrcbeijs39byjockgfnuug1zpq2wcojrcp3bxf5d2zi2.jfif.370x245_q70_crop.jpg)
_NJTue0LPY5_2sssmvjfhkxdis3jscuclwq1kz5h2d3sutsusiukbwxepxtkz5ri9bwirdzi_eaf2NfT4Zd_siqe1zmspboyg5pwzmjjvhdmzda2th279rgx2804xr3dsslmkpq0iixwsuma.jfif.370x245_q70_crop.jpg)
Comments