एभरेष्ट बैंकको वार्षिक साधारण सभा असोज ३० गते
एभरेष्ट बैंकले लाभांश प्रस्ताव पारित गर्न असोज ३० गते वार्षिक साधारण सभा बोलाएको छ ।
बैंकले १०५ बोनस सेयर र १०.५३% नगद गरी कुल २०.५३% लाभांश वितरण गर्ने प्रस्ताव सभामा पेश गर्नेछ । यस्तै, प्रबन्धपत्र तथा नियमावली संशोधन गर्ने प्रस्ताव पनि रहेको छ ।
गत आर्थिक वर्षको वार्षिक प्रतिवेदन, नाफा–नोक्सान हिसाब, नगद प्रवाहलगायत विवरणमा छलफल गरी पारित गर्नेछ ।
साधारण सभाले चालु आर्थिक वर्षका लागि लेखापरीक्षकको नियुक्ती गर्ने र संस्थापक समूहबाट सञ्चालक समितिमा नियुक्त भएका सञ्चालकको नियुक्ती अनुमोदन गर्नेछ । साधारण सभा लैनचौर बेंक्वेट, लैनचौर काठमाडौंमा बिहान ११ बजे सुरु हुनेछ।
साधारण सभा र लाभांश वितरण प्रयोजनका लागि असोज १६ गते बुक क्लोज गर्ने बैंकले जानकारी गराएको छ ।
तसर्थ, असोज १५ गतेसम्म कायम रहने सेयरधनीले मात्रा सभामा भाग लिन र प्रस्तावित लाभांश पाउन सक्नेछन् ।
_pmwhV2CWTL_3jpcfrobd23ykohax2sotjb1dnrhtghht6t6qypfjdixutrnqxaidvcyqptz_a4tkZcgtnS_k4nb3b8rmyaphnayzrybe3gamguvggoxvefjup6z8slnko45supanxklkf0l.jfif.370x245_q70_crop.jpg)
Comments