नेप्सेले बनायो डोजी क्यान्डल, के अब ट्रेण्ड रिभर्सल होला ?

आज आइतबार ३.६६ अंकले घटेर ०.१४ % गिरावटको साथ नेप्से  २५४३.३९ अंकमा बन्द भएको छ। कारोबार भएका २३० कम्पनीमध्ये  ७८ कम्पनी उकालो लागेका छन्, १०१ कम्पनी ओरालो लागेका छन् र १३ कम्पनी स्थिर रहेका छन्।

कारोबार भएका तेह्र उप-समुहमध्ये ४ उप-समुहको सेयर मूल्य उकालो लागेका छन् भने बाँकि ९ उप-समुहको सेयर मूल्य ओरालो लागेका छन् ।

बजार पूँजीकरण घटेर रु ३६ खर्ब ०२ अर्ब पुगेको छ ।

प्रमुख कारोबार

प्राविधिक विश्लेषण

प्राविधिक विश्लेषण सूचक

१. बोलिन्जर ब्याण्ड

आज बोलिन्जर ब्याण्डको अपर र लोवर ब्याण्डको अन्तर बढेको विश्लेषणले देखाउँछ (आजको फरकः ३६६ ) जसले बजारमा भोलाटाइलिटी बढेको  इङ्गित गर्दछ। बजार आज लोवर ब्याण्ड (२५४३ ) मा आएर बन्द भएको छ। नेप्से लोवर ब्याण्डको सपोर्टमा बन्द भएको हो।

२.  मुभिङ एभरेज कन्भर्जेन्स डाइभर्जेन्स

मुभिङ एभरेज कन्भर्जेन्स डाइभर्जेन्स विश्लेषणले एमएसिडि लाइन जिरो लाइन  भन्दा -५०  ले तल आएको  देखिन्छ। हिस्टोग्राम हिजोको  -१९ भन्दा केहि बढेर  आज  -२५ अकंमा छ। एमएसिडी लाइन निरन्तर तलतिर लागेको  देखाएको छ  र सिग्नल लाइन जिरो लाइन भन्दा तल  -२६ मा आएको  छ।  समग्र मुभिङ्ग एभरेजलाई हेर्दा बजारमा बिक्रि चाप बढी भएको देखिन्छ।  

३ .डाइरेक्सनल मुभमेन्ट

डाइरेक्सनल मुभमेन्ट इन्डिकेटरले भने आज +१४ डिएमआई लाइनले सिग्नल लाइनलाई क्रस गरेर  तल लागेको  देखिएको छ  साथै  -१४ डिएमआई लाइन माथि नै लागेको र आज माथि बाट साइड तिर लागेको देखिन्छ र सिग्नल लाइन तलतिर बाट +डीएमआइ लाइनलाइ क्रस गरेर माथि लागेको  देखिएको छ जसले अलिकति ट्रेन्ड निरन्तरता दिने जस्तो देखाएको छ ।  +१४ डिएमआई र -१४ डिएमआई लाईन दुवै  विपरित दिशामा  बढिराखेको देखिन्छ जसले सेलिंग बढी भएको  जनाउँछ।  

४. क्यान्डलस्टिक

आज नेप्सेले डोजी क्यान्डल  बनाएको छ जसले  बजारको कुनै निश्चित दिशा नभएको जनाउँछ ।

५. क्युमुलेटिभ एडी लाईन

क्युमुलेटिभ एडी लाइन  -२९५४    देखि बढेर  -२९७७   मा आएको छ। नेप्सेको कुल भोल्युम ४४९३५७७ रहेको छ जुन २१ दिन मुभिङ एभरेज भोल्युम (७११२०४५)  को ६३  प्रतिशत देखिएको छ।

नेप्से आज लोवर  ब्याण्ड २५४३ मा क्लोज भएको छ। एमएसिडी लाइन जिरो लाइन भन्दा  तल  -५०  मा पुगेको  छ र सिग्नल लाईन पनि जिरो लाइन तल -२६    मा  आएको छ भने हिस्टोग्राम -२५  मा रहेको छ ।

-१४ डिएमआई लाइन निरन्तर माथि लागेको को   छ भने +१४ डिएमआई लाईन तलतिर  लागेको छ  र एडिएक्स लाइन +डी आइ लाइनलाइ क्रस गरेर माथितिर फर्किन लागेको देखिन्छ जसले  ट्रेन्ड निरन्तर हुनसक्ने जस्तो देखिएको छ। आज पनि  बजारमा सेलिङ मोमेन्टम बढेको सङ्केत गर्छ। आरएसआइ आज २९  मा आएको छ जसले आरएसआइको मोमेन्टम केहि घटेको  जनाउँछ।

नेप्सेको आगामी दिनको नजिकको सपोर्ट २५३०  को एरिया रहेको देखिन्छ नेप्सेको नजिकको  अवरोध २५६० को एरिया रहेको देखिन्छ।