पुरुषको तुलनामा महिलालाई निद्राको समस्या बढी हुने

पुरुषको तुलनामा महिलालाई निद्राको समस्या बढी हुन्छ । क्यालिफोर्नियास्थित एसआरआई रिसर्च इन्स्टिच्युटका ह्युमन स्लीप रिसर्च प्रोग्रामकी निर्देशक फियोना बेकरका अनुसार महिलामा यो समस्या किशोरावस्थादेखि सुरु भएर वयस्कतासम्म जारी रहन्छ ।

महिनावारीको समयमा हार्मोनल परिवर्तनका कारण महिलाहरूमा चिन्ता र हल्का डिप्रेसन हुन्छ । यसबाहेक पेट दुख्ने समस्या पनि हुन्छ । यी सबैले निद्रामा असर गर्छ । साथै, गर्भावस्थामा शारीरिक समस्याहरू पनि बढ्छ, जसले निद्राको नियमितता कम गर्छ ।

यसपछि, रजोनिवृत्तिको समयमा पनि लगभग ७ वर्षसम्म हार्मोनल परिवर्तनहरू हुन्छन् । यसले निद्रामा पनि असर गर्छ ।

संज्ञानात्मक व्यवहार उपचार (सीबीटी) निद्रा समस्या भएका महिलाहरूको लागि प्रभावकारी छ । यसमा मनोवैज्ञानिक र व्यवहारिक प्रविधिहरू प्रयोग गरिन्छ। नकारात्मक सोचलाई कम गरेर योग र ध्यान, सुत्ने समय परिवर्तन गर्ने आदिले यो समस्यालाई पार गर्छ ।

यसका अलावा हर्मोन रिप्लेसमेन्ट थेरापी पनि प्रभावकारी हुन्छ । यसमा रजोनिवृत्तिको समयमा कम हुने हर्मोन सप्लिमेन्टको माध्यमबाट पूरा हुन्छ ।