जम्मुमा बस दुर्घटनाः मर्नेको सङ्ख्या २२, ६९ जना घाइते
भारतको जम्मु–कश्मीरको जम्मुमा बिहीबार भएको सडक दुर्घटनामा मर्नेको सङ्ख्या २२ पुगेको छ ।
यात्री भरिभराउ रहेको बस जम्म–पूंछ राजमार्गको अखनूरमा पर्ने चूंगी मोडमा भीरबाट खसेको थियो । बसमा सवार ६९ यात्री घाइते रहेको बताइएको छ । बसमा ९१ जना सवार थिए । घाइतेहरूको स्थानीय अस्पतालमा उपचार भइरहेको र केहीलाई जम्मू मेडिकल कलेज (जेएमसी) पठाइएको बताइएको छ ।
उत्तर प्रदेशको नम्बर प्लेट भएको सो बस हरियाणाको कुरुक्षेत्रबाट शिवखोडी धाम जाँदै गर्दा दुर्घटनामा परेको हो । तीव्र गतिमा गुडिरहँदा विपरीत दिशाबाट आइरहेको बसका कारण सन्तुलन गुमाएर बस भीरमा खसेको बताइएको छ ।
एजेन्सी
_pmwhV2CWTL_3jpcfrobd23ykohax2sotjb1dnrhtghht6t6qypfjdixutrnqxaidvcyqptz_v7KAokl3Ww_kgas5fjmyxav5piku1dq3hxhx5bpgrm6qqdnax7tfnadmd0e25qazpxqwh75.jfif.370x245_q70_crop.jpg)
Comments