इजरायलले प्यालेस्टाइन–इजिप्ट सीमा क्षेत्र रफाहको 'अल–अवदा' कब्जा गर्याे
इजरायलले प्यालेस्टाइन–इजिप्ट सीमा क्षेत्र दक्षिणी रफाहको अल–अवदा कब्जा गरेको छ । अल–अवदालाई रफाह शहरको प्रमुख ठाउँ मानिन्छ ।
याे क्षेत्र बैंक, सरकारी संस्था र व्यापारको दृष्टिकोणबाट महत्त्वपूर्ण छ । इजरायली सेनाले सीमाको दक्षिणी भागमा झन्डै आधा किलोमिटर क्षेत्र कब्जा गरेको अन्तर्राष्ट्रिय सञ्चारमाध्यमले जनाएका छन् ।
इजरायली सेनाले रफाह शहरबाहेक उत्तरी र मध्य गाजामा पनि सैन्य कारबाही गर्ने चेतावनी दिँदै आएको छ । हमासद्वारा सञ्चालित स्वास्थ्य मन्त्रालयले गाजामा इजरायली आक्रमणबाट पछिल्लो २४ घण्टामा ४६ जना प्यालेस्टाइनी नागरिकको ज्यान गएको र एक सय १० जनाभन्दा धेरै घाइते भएको जनाएको छ ।
एजेन्सी
_pmwhV2CWTL_3jpcfrobd23ykohax2sotjb1dnrhtghht6t6qypfjdixutrnqxaidvcyqptz_v7KAokl3Ww_kgas5fjmyxav5piku1dq3hxhx5bpgrm6qqdnax7tfnadmd0e25qazpxqwh75.jfif.370x245_q70_crop.jpg)
Comments