फिफा विश्वकप छनोटमा नेपाल आज बहराइनसँग खेल्दै
फिफा विश्वकप–२०२६ छनोटको दोस्रो चरणमा नेपाली राष्ट्रिय टिमले आज बहराइनसँग खेल्दै छ । पहिलो चरणमा लाओसलाई १–० ले हराउँदै दोस्रो चरणमा स्थान बनाएको नेपालले आज बहराइनविरुद्ध खेल्न लागेको हो ।
बहराइनलसँगको पहिलो लेग दशरथ रंगशालामा हुने तालिका थियो । तर, रंगशालाको स्तर खेल्नलायक नभएपछि दुवै लेग बहराइनमा हुने भएको हो । नेपाल समूह ‘एच’ मा छ ।
तालिकाको पुछारमा रहेको नेपाल अंकविहीन छ । यो समूहमा नेपालसँगै बहराइन, यमन र युनाइटेड अरब इमिरेट्स छन् ।
नेपालले यसअघि पहिलो खेलमा यूएईसँग ४–० को र दोस्रो खेलमा यमनसँग २–० को हार व्यहोरेको थियो । बहराइनले पनि यसअघि दुई खेल खेल्दा एकमा जित र अर्कोमा हार बेहोरेको छ ।
तीन अंकसहित तालिकाको दोस्रो स्थानमा रहेको बहराइनले यसअघि यूएईसँग २–० को हार व्यहोर्दा दोस्रो खेलमा यमनलाई २–० ले हराएको थियो ।
_pmwhV2CWTL_3jpcfrobd23ykohax2sotjb1dnrhtghht6t6qypfjdixutrnqxaidvcyqptz_2jY5qdUUNt_xz6yirdtnsk73ygiqyzic046t6yzask2rwc2vb1yskklg3myrle0mnmuuiqs.jfif.370x245_q70_crop.jpg)
Comments