कांग्रेसले युवराज शर्मालाई राष्ट्रिय सभा अध्यक्षकाे उम्मेदवार बनाउने
प्रमुख प्रतिपक्ष दल नेपाली कांग्रेसले युवराज शर्मालाई राष्ट्रिय सभाको अध्यक्षको उम्मेदवार बनाउने भएको छ ।
सभापति शेरबहादुर देउवाको निवास बूढानीलकण्ठमा आज बसेको पार्टी सांसदीय दल कार्यसमितिको बैठकले शर्मालाई राष्ट्रिय सभाको अध्यक्ष पदको उम्मेदवार बनाउने निर्णय गरेको पार्टी संसदीय दलकी सचेतक सुशीला थिङले जानकारी दिए । पार्टीको तर्फबाट प्रस्तावित अध्यक्ष पदका उम्मेदवार शर्माको पक्षमा मतदान गराउनका लागि अन्य प्रतिपक्ष दलहरूसँग पनि छलफल गर्ने निर्णय पनि बैठकले गरेको छ ।
यसअघि कांग्रेसले नेता कृष्णप्रसाद सिटौलालाई राष्ट्रिय सभाकाे अध्यक्ष बनाउने योजनासहित राष्ट्रिय सभा सदस्य बनाएको थियो । तर माओवादी केन्द्रले त्याे पद आफ्नो पार्टीले पाउनुपर्ने अडान राखेपछि सत्तारूढ गठबन्धन टुटेको थियो । राष्ट्रिय सभाको अध्यक्ष पदको चुनाव पर्सि मङ्गलवार हुँदैछ ।
Comments