त्रिकोणात्मक श्रृंखलाको पहिलो खेलमा नेपाल आज हङकङसँग भिड्दै
त्रिकोणात्मक श्रृंखलामा नेपालले आज पहिलो खेलमा हङकङसँग खेल्दै छ ।
आईसीसी टी–२० विश्वकप क्रिकेटको तयारीका लागि नेपाली राष्ट्रिय पुरुष क्रिकेट टोली हङकङ भ्रमणमा रहेको हो । नेपालले भोलि सोमबार पवुवा न्युगिनीसँग दोस्रो खेल खेल्नेछ । मंगलबार श्रृंलाको फाइनल हुनेछ।
सिरिजमा नेपालसँगै आयोजक हङकङ र पवुवा न्युगिनी सहभागी हुँदैछन् । नेपाली टोलीले आगामी जुनमा आयोजना हुने आईसीसी टी–२० विश्वकप तयारीका लागि टी–२० सिरिज खेल्न लागेको हो ।
यसअघि हिजो हङकङसँगको मैत्रीपूर्ण टी–२० आई क्रिकेटमा नेपाल ७३ रनले पराजित भएको थियो । जितका लागि हङकङले दिएको २१३ रनको लक्ष्य पछ्याएको नेपाल १६ दशमलब ४ ओभरमा सबै विकेट गुमाउँदै १३९ रनमा समेटियो ।
नेपालका लागि बिनोद भण्डारीले सर्वाधिक ४२, आरिफ शेखले ३८ तथा कप्तान रोहित पौडेलले ३० रन जोडेपनि अन्य कुनै पनि ब्याट्स्म्यानले दोहोरो अंकको रन बनाउन सकेनन् ।
Comments