नेपाली समुदायले आज टोपी दिवस मनाउँदै
नेपाली समुदायले आज राष्ट्रिय पोसाक तथा टोपी दिवस मनाउदै छ । पछिल्लो समय हरेक वर्ष ईस्वी संवतको नयाँ वर्षका दिन नेपालमा यो दिवस मनाउने गरिन्छ ।
नेपाली टोपी र पोसाकको प्रवर्द्धन गर्ने उद्देश्यसहित स्वतःस्फूर्त रुपमा नयाँ वर्षको पहिलो दिन यो दिवस मनाउन थालिएको हो ।
नेपालीको पहिचानका रुपमा रहेको भाद्गाउँले टोपी र ढाका टोपीलाई विश्वसामु चिनाउन अनौपचारिकरुपमा दिवस मनाउने क्रम सुरु भएको हो । पछिल्लो समय नेपालमा मात्रै नभई विदेशमा रहेका नेपालीले समेत परम्परागत ढाका र भादगाउँले टोपी लगाएर यो दिवस मनाउने गरेका छन् ।
मुलुकमा पश्चिमा संस्कृतिको प्रभाव बढ्दै गएको भन्दै केही युवाहरूले १० वर्ष अघिदेखि टोपी दिवस मनाउने अभियान थालेका थिए ।
अभियानका रूपमा सुरु भएको टोपी दिवसले सामाजिक सञ्जालका कारण व्यापकता पाउदै गएको छ । यद्यपी टोपी दिवसका पक्ष विपक्षमा बहस गर्नेहरु पनि उत्तिकै छन् ।
_qOOCylMw0J_blhjam9tqnq7nlgtq0avdvps13hqbdfswunspfvhylmljxhgcpoy1yk5ft2t_CmfJUBbeFw_ebaluhr1eocfhqpfsugk7p3tlyx9ormfh5gs9mzekqntxcm7838amwozg5db.jpg.370x245_q70_crop.jpg)
Comments