२ करोड मागेको अडिओ सार्वजनिक भएपछि रास्वपा सांसद ढाकाकुमार श्रेष्ठ निलम्बित
राष्ट्रिय स्वतन्त्र पार्टी (रास्वपा)ले दुई करोड रुपैयाँ मागेको अडिओ सार्वजनिक भएपछि सांसद ढाकाकुमार श्रेष्ठलाई निलम्बन गरेको छ ।
आफू स्वास्थ्य मन्त्री बन्नका लागि पार्टीलाई बुझाउन दुई करोड रुपैयाँ चाहिएको भन्दै सांसद श्रेष्ठले मेडिकल व्यवसायी दुर्गा प्रसाईंसँग पैसा मागेको अडिओ सार्वजनिक भएको छ ।
सो अडिओ सार्वजनिक भएपछि उनलाई निलम्बन गरिएको सो पार्टीका संसदीय दलका प्रमुख सचेतक सन्तोष परियारले न्युज कारखानालाई बताए ।
‘हामीले पनि अडिओ सुन्यौँ । अडिओ सुनिसकेपछि उहाँलाई निलम्बन गरेका छौं,’ उनले भने, ‘पछि दोषी देखिए थप कारबाही गर्नेछौं । कानुनअनुसार उहाँलाई पनि कारबाही हुन्छ । तर, अहिलेलाई भने निलम्बन मात्रै गरिएको छ, अनुसन्धानका लागि ।’
उनी समानुपातिकतर्फबाट रास्वपा सांसद भएका थिए ।
_RL2SJ1J8ti_p1urvoztbh1ohszvuhnzspfyv7ggdvff6d5yd5eztrrpzop81m95ztfgd9wo_pD0HP3l7u1_wblaezqnrix64yuy0dpk31lccsmuazs2qkg28npesx99xxt7gmnqfvmy4f49.jpg.370x245_q70_crop.jpg)
Comments