जीवी: स्वास्थ्य सेवामा डिजिटल उद्दमको सफल कथा !

जीवी (Jeevee) एक ई-कमर्स वेबसाइट र एप हो जसले अनलाइन फार्मेसी, खुद्रा र स्वास्थ्य सेवाहरु सञ्चालन गर्दछ। यसले १५०० भन्दा बढी ब्रान्ड स्वास्थ्य र हितकारी उत्पादनहरू, डाक्टर परामर्श, रक्तदान सेवाहरू र प्रिस्क्रिप्शन सेवाहरू प्रदान गर्दछ। विदेशी संलग्नता नभएका केही ठूला नेपाली स्टार्ट-अपहरू मध्ये एकका रूपमा कम्पनीले भविष्यमा अन्य नेपाली स्टार्ट-अपहरूलाई प्रोत्साहन गर्ने लक्ष्य लिएको छ ।

स्वास्थ्य सेवामा डिजिटल पहुँच विस्तार गर्ने यस कम्पनीका संस्थापक तथा सीईओ श्री आभूषण ज्योति कंसाकार हुन् । आफ्नो उद्दमशीलताको अनुभवबारे उनले भने, “मैले सुरुमा २०१५ मा मेरो उद्यमशीलता यात्रा सुरु गरेँ । मैले भारतको एउटा टेक्नोलोजी कम्पनीमा काम र अर्को ३ वर्ष नेपालमा लाइफस्टाइल स्कुटर ब्रान्ड भेस्पा र अप्रिलियासँग काम गरेँ ।पछि औद्योगिक र निर्माण उपकरण ब्रान्ड SANY सँग पनि काम गरेँ। दुबै व्यवसायमा हाम्रा लक्ष्यहरू पार गरे तापनि, मसँग एउटा फराकिलो सामाजिक प्रभाव उत्पन्न गर्ने व्यवसायमा संलग्न हुने दृढ इच्छा पनि थियो। नेपालमा डिजिटलाइजेसनको माध्यमबाट स्वास्थ्य सेवा क्षेत्रमा परिवर्तनकारी परिवर्तन ल्याउने मेरो सपना थियो, जुन अन्ततः २०१९ मा जीवीमा परिणत भयो।”

जीवीले गत नोभेम्बरमा २ वर्ष पूरा गरेको छ । यो देशको सबैभन्दा ठूलो हेल्थ-टेक स्टार्टअपको साथै दोस्रो ठूलो ई-कमर्स व्यवसाय पनि हो जसले यसलाई देशको सबैभन्दा ठूलो नेपाली स्वामित्वको ई-कमर्स बनाउँछ।

स्वास्थ्य सेवा क्षेत्रले सबै नेपाली नागरिकको उपचार र जीवनस्तरमा सुधार सुनिश्चित गर्ने काम गर्छ। यसलाई डिजिटल वा सूचना प्रविधि जस्ता प्राविधिक आविष्कारहरूद्वारा स्वास्थ्य सेवाहरूलाई थप समावेशी, सजिलो र फराकिलो श्रोताहरूका लागि पहुँचयोग्य बनाउनको लागि जीवी लागिपरेको उद्दमी कंसाकार बताउँछन् ।

परम्परागत रूपमा यो कम्पनी डिजिटल साक्षर जनसंख्याको लागि हो। ई-कमर्स स्पेसमा युवा पुस्ताको प्रभुत्व रहेको छ जो धेरै ‘टेक-सेभी’ छन् तर, जीवीले डिजिटलाइजेसनतर्फ बढ्दो उमेर समूहहरूको प्रवृत्ति पनि अवलोकन गरिरहेको छ । कम्पनीले हरेक उमेर समूहको डिजिटल साक्षर जनसंख्यालाई लक्षित गरी सेवा प्रदान गरिरहेको छ ।

कम्पनीको आगामी योजनाबारे बताउँदै कंसाकार भन्छन्, ” हामी काठमाडौंभन्दा बाहिर विस्तार गर्न चाहन्छौं जुन हामीसँग पहिले नै छ तर ५०: ५० वितरण हेर्न चाहन्छौं। हामीले स्वास्थ्य-प्रविधि क्षेत्रमा हाम्रो प्रविधिलाई निरन्तर नवप्रवर्तन र सुधार गर्दैछौँ । त्यसैले हामी यी फोकसका क्षेत्रहरूलाई सम्पूर्ण स्वास्थ्य सेवा उद्योगमा कम्तिमा १०% बजार साझेदारी भएको हेर्न चाहन्छौँ। हामी आगामी २ वर्षमा १० हजार दैनिक अर्डरहरू प्रदान गर्ने लक्ष्यका साथ हाम्रो बिक्रीको मात्रा बढाउनमा पनि केन्द्रित छौँ ।”

यसरी, यस डिजिटलरुपमा नवीन उद्दमले स्वास्थ्य क्षेत्रमा नयाँपन, पहुँच विस्तार र रोजगारी सृजना गर्न मद्दत गरेको छ । साथै, यस्ता उद्दमले भावी पुस्तालाई पनि नौलो उद्योग गर्न प्रेरणा दिने निश्चित छ ।