बैंकिङ कसुरका फरार प्रतिवादी पक्राउ
बैंकिङ कसुरमा दोषी ठहर भई फरार रहेका एक प्रतिवादीलाई प्रहरीको केन्द्रीय अनुसन्धान ब्यूरोले आइतबार पक्राउ गरेको छ । पक्राउ पर्नेमा रौतहटको गौर नगरपालिका–१ भन्सारटोल घर भई काठमाडौँको बूढानीलकण्ठ बस्ने अविन्दकुमार जैसवाल रहेका छन् ।
उनले प्रभु बैंक कपन शाखामा रहेको आफ्नो खातामा पर्याप्त मौज्दात रकम नभएको भन्ने जानी–जानी पीडितलाई झुक्यानमा पारेर चेक दिएका थिए । उक्त चेकको रकम भुक्तान हुन नसकेको ठहर गर्दै उच्च अदालत पाटनबाट गएको मङ्सिर १४ मा बैङ्किङ कसुर तथा सजाय ऐन २०६४ बमोजिमको कसुरमा नौ लाख जरिवाना र दुई दिन कैद हुने फैसला भएको थियो ।
त्यसपछि फरार रहेका उनलाई ब्यूरोबाट कपनबाट हिजो पक्राउ गरी फैसला कार्यान्वयन लागि काठमाडौँ जिल्ला अदालतमा पेस गरेको जनाइएको छ ।
_luby6l6dBd_yxwsjevdlvvs8pivlpuro0eiruou75u5gg4pxgtlp8ygusvj0xhyph9s1dmv_ZvZlkZteC7_6ctnpwfihk4zirs1bsvks0iuuqi9qzaqsyupo9ae7loxqd6latwdj8fekoby.jfif.370x245_q70_crop.jpg)
Comments