लेबनानमा हिजबुल्लाहका अखडामा इजरायली सेनाको आक्रमण जारी

इजरायली सेनाले आफ्ना युद्धक विमानले लेबनानस्थित हिजबुल्लाहका अखडामा निशाना साँधिरहेको बताएको छ ।

इजरायलतर्फ मिसाइल र रकेट प्रहार गर्ने प्रयास भएको थाहा पाएपछि आक्रमण गरेको इजरायली सेनाले दाबी गरेको छ ।

हमला हुने खतरा बढेसँगै आतंकवादी गतिविधि धेरै भएको क्षेत्रमा आत्मरक्षाका लागि आक्रमण सुरु गरेको इजरायल रक्षा बल आईडिएफका प्रवक्ता डेनियल हगारीले दाबी गरे ।

आइडिएफले जारी गरेको विज्ञप्तिमा हिजबुल्लाहले लेबनानबाट इजरायली सिमानामा १५० भन्दा धेरै रकेट प्रहार गरेको पनि जनाएको छ।

तेलअभिवस्थित विमानस्थल केही समयका लागि बन्द भए पनि फेरि सञ्चालनमा आएको छ । हिजबुल्लाह र इरान समर्थित शिया मुस्लिम समूहको प्रभुत्व भएको क्षेत्रमा लेबनानी सर्वसाधारणलाई स्थानान्तरण गर्न चेतावनी दिइएको छ ।

इजरायलको उत्तरी क्षेत्रमा रकेट आक्रमणको आवाज सुनिए पनि कोही घाइते भएको विवरण भनेको बाहिर नआएको बीबीसीले जनाएको छ ।

हिजबुल्लाहले भने इजरायली सेनाको ११ ब्यारेकमा आक्रमण गरेको र ३२० भन्दा बढी कत्युशा रकेट प्रहार गरेको जनाएको छ ।

हिजबुल्लाह इरान समर्थित इस्लामिक संगठन हो । यो संगठनसँग रकेटसहित ठूलो संख्यामा हातहतियार रहेको बताइन्छ ।

एजेन्सी