रामेछाप पहिरो : ६ जनाको शव भेटियो, केहीको खोजी जारी
_hqcgrQNnA2_obvarxzrwpajt63mcmpzzpd2rphihbqr2tlrekxtcx4sv0agvdlzz6dgiufv_djfehbAFm1_s9er2lftpzaqa3tljcn8r9fixtnwxadyq3vrkcqwo0sg7u15v6sv5phxxnhw.jfif)
रामेछापको शैलुङ्ग गाउँपालिका वडा नम्बर ३ लेखर्क पहरीगाउँमा शनिबार राति गएको पहिरोमा पुरिएका ६ जनाको शव फेला परेको छ ।
मृत्यु भएकामध्ये दुई जनाको मात्रै सनाखत भएको जिल्ला प्रहरी कार्यालय रामेछापका प्रहरी निरीक्षक कौशल न्यौपानेले जानकारी दिए । सनाखत हुनेमा ३० वर्षकी चण्डिका श्रेष्ठ र उनका १८ महिनाका शिशु आनुष श्रेष्ठ छन्।
पहिरोले ४ वटा घर बगाउँदा ११ जना बेपत्ता भएका थिए । अन्यको खोजी जारी छ ।
रातिको भीषण वर्षापछि आएको पहिरोले अँधेरीखोलाको पुल पनि बगाएको जिल्ला प्रहरी कार्यालय रामेछापले जनाएको छ। पहिरोले वडा नम्बर २ र ३ जोड्ने ढाईगाउँ खोलाको पुल बगाएको हो ।
पहिरो गएको गाउँमा जाने बाटोसमेत वर्षाले क्षतिग्रस्त बनाएका कारण उद्धारमा समस्या देखिएको प्रहरीले जनाएको छ ।
एजेन्सी
Comments