बैंककमा विमान दुर्घटना, ९ जनाको मृत्यु
थाइल्यान्डको राजधानी बैंकक नजिकै एउटा विमान दुर्घटना हुँदा त्यसमा सवार ९ जनाको मृत्यु भएको छ ।
विमानभित्र दुई जना थाई पाइलटको साथमा पाँच चिनियाँ र दुई जना थाई नागरिक सवार थिए । विमानमा सवार सबैजनाको मृत्यु भएको अधिकारीहरूले बताएका छन् ।
विमान बैंकको मुख्य विमानस्थलबाट स्थानीय समयअनुसार दिउँसो २ः४६ बजे उडेको थियो । विमान थाइल्यान्डको पूर्वमा रहेको ट्राट विमानस्थल जाँदै थियो । उडेको १० मिनेटमै विमानको सम्पर्क टुटेको र दुर्घटना भएको हो ।
विमान खस्दा नजिकैको घरहरूमा समेत क्षति पुगेको बताइएको छ । दुर्घटना भएको स्थान नजिकैको नदीमा बाढी आएकोले खोजी कार्यमा अवरोध आएको थियो । अहिलेसम्म दुर्घटनाको कारण स्पष्ट भइसकेको छैन ।
यस दुर्घटनाबारे अनुसन्धान सुरु गरिएको र विमानका टुक्राहरु हिलोमा भेटिएको बैंकक पोष्टले जनाएको छ ।
एजेन्सी
Comments