जहाज दुर्घटनाबारे चिनियाँ र अमेरिकी राजदूतद्वारा समवेदना प्रकट

बुधबार त्रिभुवन अन्तर्राष्ट्रिय विमानस्थलमा भएको दुर्घटनाबारे चिनियाँ र अमेरिकी राजदूत दुवैले समवेदना प्रकट गरेका छन् ।

सामाजिक सञ्जाल एक्स(ट्विटर)मा लेख्दै नेपालका लागि अमेरिकी राजदूत डीआर थप्म्सनले भनेका छन्, ‘त्रिभुवन अन्तर्राष्ट्रिय विमानस्थलमा भएको सौर्य एयरलाइन्सको जहाज दुर्घटनाले मलाई दु:खित बनाएको छ । निधन भएका सबै व्यक्तिहरूका परिवार र साथीहरूमा मेरो समवेदना प्रकट गर्दछु ।’

त्यस्तै नेपालका लागि चिनियाँ राजदूत चेन सङले पनि जहाज दुर्घटनाले आफूलाई मर्माहत बनाएको बताएका छन् । सामाजिक सञ्जाल एक्स(ट्विटर)मा लेख्दै उनले मृतकप्रति श्रद्धाञ्जली र शोकाकुल परिवारप्रति गहिरो समवेदना व्यक्त गरेका छन् । उनले यो दुखद घडीमा चीन नेपालको साथ रहेको पनि ट्विटमा उल्लेख गरेका छन् ।

‘आज त्रिभुवन अन्तर्राष्ट्रिय विमानस्थलमा भएको दुखद विमान दुर्घटना र ठूलो जनधनको क्षतिबाट म अत्यन्त मर्माहित छु,’ उनले भनेका छन्, ‘सम्पूर्ण शोकाकुल परिवारप्रति हाम्रो गहिरो समवेदना । दिवंगत आत्माको चिर शान्तिको कामना गर्दछु । चीन यस दुःखको घडीमा नेपाल र नेपाली जनताको साथमा छ ।’

एजेन्सी