गाजाको खान युनिसबाट दुई दिनमा डेढ लाखभन्दा धेरै मानिस बाहिरिए
गाजाको खान युनिसबाट दुई दिनमा डेढ लाख मानिसले सहर छाडेका छन् । गएको सोमवारदेखि अहिलेसम्म एक लाख ५० हजार मानिसले खान युनिस सहर छाडेका संयुक्त राष्ट्र संघले जनाएको छ । गाजा पट्टीको दक्षिणमा रहेको खान युनिसमा इजरायलले आक्रमणको केन्द्र बनाएपछि त्यहाँबाट मानिस अन्यत्र गएका राष्ट्र संघको दुई वटा संस्थाले गरेको अध्ययनले देखाएको बीबीसीले जनाएको छ ।
हमासले खान युनिसमा आफ्नो सेनालाई पुनः संगठित गर्ने प्रयास गरिरहेकोले त्यहाँ निरन्तर आक्रमण गरिरहेको इजरायलले जनाएको छ । इजरायल डिफेन्स फोर्स (आईडीएफ) ले सोमवार खान युनिसको पूर्वी क्षेत्र खाली गर्न आदेश दिएको थियो । इजरायलले त्यहाँ आक्रमण गर्न थालेदेखि ८० जना प्यालेस्टाइनी मारिएको हमासले सञ्चालन गरेको स्वास्थ्य मन्त्रालयले जानकारी दिएको छ ।
एजेन्सी
_pmwhV2CWTL_3jpcfrobd23ykohax2sotjb1dnrhtghht6t6qypfjdixutrnqxaidvcyqptz_8kH5qeZzg6_rl5zwmsutdlssxa3g8n3ouapwzt6ihfujdycz54dn4qfynye9flrctbmsrhr.jfif.370x245_q70_crop.jpg)
Comments