भारतले नेपाललाई यो आर्थिक वर्षमा ७ अर्ब भारु दिने
भारत सरकारले नेपाललाई आर्थिक वर्ष २०२४/०२५ मा सात अर्ब भारतीय रुपैयाँ (भारु) अनुदान दिने भएको छ ।
भारतीय अर्थमन्त्री निर्मला सीतारमणले आज संसद्मा प्रस्तुत गर्नुभएको वार्षिक बजेटमा नेपाललाई सात अर्ब भारतीय रुपैयाँ अनुदान दिने उल्लेख गरेका हुन् । यो रकम चालू आर्थिक वर्षमा दिएको भन्दा ५० करोड भारतीय रुपैयाँले धेरै हो ।
भारतले आउँदो आर्थिक वर्ष भुटानलाई २० अर्ब ६८ करोड भारु अनुदान उपलब्ध गराउने बजेटमा उल्लेख छ । यस्तै भारतको आउँदो वर्षको बजेटमा मालदिभ्सलाई चार अर्ब, म्यानमारलाई दुई अर्ब ५० करोड, श्रीलङ्कालाई दुई अर्ब ४५ करोड, अफगानिस्तानलाई दुई अर्ब, बङ्गलादेशलाई एक अर्ब २० करोड, अफ्रिकी देशलाई दुई अर्ब र मङ्गाेलियालाई पाँच करोड भारु अनुदान उपलब्ध गराउने उल्लेख छ ।
एजेन्सी
_pmwhV2CWTL_3jpcfrobd23ykohax2sotjb1dnrhtghht6t6qypfjdixutrnqxaidvcyqptz_f1GYOqE6HJ_wj3ogyjqsqlb8abm85ng7dsuqm75zbjfr5ko1p4bprddzbrxxk1wfi22bu9u.jfif.370x245_q70_crop.jpg)
Comments