प्रधानमन्त्री ओलीले पद तथा गोपनियताको सपथ लिँदै, आजै मन्त्रिपरिषदलाई पूर्णता दिने तयारी

Laltin.com

असार ३१, २०८१ सोमबार

एमाले अध्यक्ष केपी शर्मा ओलीले सोमबार प्रधानमन्त्री पदको पद तथा गोपनीयताको शपथ लिँदै छन् ।

आइतबार प्रधानमन्त्रीमा नियुक्त भएका ओलीले सोमबार बिहान ११ बजे पद तथा गोपनीयताको शपथ लिन लागेका हुन् ।

राष्ट्रपति रामचन्द्र पौडेलले बिहान ११ बजेका लागि शपथ गराउने कार्यक्रम रहेको राष्ट्रपतिको सचिवालयले जनाएको छ ।

७३ वर्षीय ओलीले चौथो कार्यकालका लागि प्रधानमन्त्रीको सपथ लिन लागेका हुन् । कांग्रेस र एमालेबीच असार १७ गते नयाँ सरकार गठनको सहमति भएको थियो ।

सोही सहमतिअनुसार पहिलो कार्यकालका लागि ओली प्रधानमन्त्री बनेका हुन् । ओलीले आजै मन्त्रीहरू पनि नियुक्ति गर्ने तयारी गरेका छन् ।

एजेन्सी