ओली चौथोपटक प्रधानमन्त्री नियुक्त
नेकपा (एमाले) का अध्यक्ष केपी शर्मा ओली चौथोपटक प्रधानमन्त्री नियुक्त भएका छन् ।
राष्ट्रपति रामचन्द्र पौडेलले संविधानको धारा ७६ को उपधारा २ अनुसार ओलीलाई आइतबार प्रधानमन्त्री नियुक्त गरेका हुन् ।
ओली नेपाली कांग्रेसको प्रमुख समर्थनमा प्रधानमन्त्री बनेका हुन् । उनले डेढ वर्षपछि कांग्रेस सभापति शेरबहादुर देउवालाई पद सुम्पनेछन् ।
ओलीले सोमबार पद तथा गोपनीयताको शपथ ग्रहण गर्नेछन्। उनले त्यही दिन मन्त्रिपरिषद्लाई पूर्णता दिनेगरी तयारी गरेको एमाले नेताहरूले बताएका छन् ।
संसद्का दुई ठूला दलहरू कांग्रेस-एमालेको सत्ता गठबन्धनमा जनता समाजवादी पार्टी (जसपा), जनता समाजवादी पार्टी (जसपा) नेपाल, जनमत पार्टी, लोकतान्त्रिक समाजवादी पार्टी (लोसपा), नागरिक उन्मुक्ति पार्टी (नाउपा) लगायत पनि मिसिएका छन् ।
एजेन्सी
_pmwhV2CWTL_3jpcfrobd23ykohax2sotjb1dnrhtghht6t6qypfjdixutrnqxaidvcyqptz_f1GYOqE6HJ_wj3ogyjqsqlb8abm85ng7dsuqm75zbjfr5ko1p4bprddzbrxxk1wfi22bu9u.jfif.370x245_q70_crop.jpg)
Comments