प्रधानमन्त्री प्रचण्डले आज विश्वासको मत लिँदै
_fHCIJg6mur_91fwe4xxvptfdoreui3wau8tr0jtr5bijlnwq4ftjjc2yrdrgq3qftsjc35u_QphbowrQNQ_gemtzuadehjnnt9f1n1oe8igynvnpjzvqblxfdprftt4brvw8dubo1sbvejw.jpg)
प्रधानमन्त्री पुष्पकमल दाहाल प्रचण्डले आजको प्रतिनिधि सभा बैठकबाट विश्वासको मत लिँदै छन् ।
विश्वासको मत लिने प्रयोजनका लागि आज बिहान ११ बजे प्रतिनिधि सभा बैठक बोलाइएको छ ।
संसद्का दुई ठूला दल नेपाली कांग्रेस र एमालेबीच केपी शर्मा ओलीको नेतृत्वमा नयाँ सरकार गठन गर्ने समझदारी भएअनुसार एमालेले मन्त्रीहरुलाई फिर्ता बोलाएर समर्थन फिर्ता लिएको थियो ।
सरकारमा सहभागी दलले समर्थन फिर्ता लिएको ३० दिनभित्र प्रधानमन्त्रीले विश्वासको मत लिनुपर्ने संवैधानिक व्यवस्था छ। सोही व्यवस्था अनुसार प्रधानमन्त्री प्रचण्डले आज विश्वासको मत लिन लागेका हुन् ।
२७५ सदस्यीय प्रतिनिधिसभामा बहुमतका लागि १३८ मत आवश्यक पर्छ । प्रधानमन्त्री दाहालसँग अहिलेको अवस्थामा माओवादी (३२), रास्वपा (२१) र एकीकृत समाजवादी (१०) गरी जम्मा ६३ मत मात्र छ । प्रधानमन्त्री प्रचण्डले विश्वासको मत नपाउने निश्चित जस्तै छ ।
एजेन्सी
_pmwhV2CWTL_3jpcfrobd23ykohax2sotjb1dnrhtghht6t6qypfjdixutrnqxaidvcyqptz_f1GYOqE6HJ_wj3ogyjqsqlb8abm85ng7dsuqm75zbjfr5ko1p4bprddzbrxxk1wfi22bu9u.jfif.370x245_q70_crop.jpg)
Comments