संयुक्त राष्ट्र सङ्घद्वारा सुडानका १४ क्षेत्रमा भोकमरीको चेतावनी
संयुक्त राष्ट्र सङ्घले सुडानका १४ क्षेत्रमा भोकमरी हुनसक्ने चेतावनी दिएको छ । ग्रेटर डार्फर, ग्रेटर कोर्डोफान र अल जजिरा राज्यका साथै खार्तुमका केही ठाउँ गरी १४ वटा क्षेत्रमा भोकमरीको जोखिम रहेको संयुक्त राष्ट्रले आफ्नो वेबसाइटमा उल्लेख गरेको छ ।
सुडानका १० राज्यका सात लाख ५५ हजार जना मानिस भोकमरीको विपत्तिजनक अवस्थाको सामना गरिरहेका पनि उल्लेख छ । सुडानका ८५ लाख मानिस अर्थात् १८ प्रतिशत जनसङ्ख्या खाद्य सुरक्षाबाट पीडित रहेका राष्ट्रसङ्घको भनाइ छ ।
सुडानमा सन् २०२३ अप्रिलको मध्यदेखि सुडानी सशस्त्र बल र अर्धसैनिक र्यापिड सपोर्ट फोर्सबीच लडाइँ चलिरहेको छ । यो द्वन्द्वका कारण १६ हजार छ सय ५० जनाभन्दा धेरैले ज्यान गुमाइसकेको मानवीय मामिलाको समन्वयका लागि संयुक्त राष्ट्र सङ्घको कार्यालयले जनाएको छ ।
एजेन्सी
_pmwhV2CWTL_3jpcfrobd23ykohax2sotjb1dnrhtghht6t6qypfjdixutrnqxaidvcyqptz_wZWOuy4cFY_le1gr5upuiu8wo7c42aenlnjdxskhztf3erj6effjjbxaciyrypqesfabqrj.jfif.370x245_q70_crop.jpg)
Comments