युक्रेनले चाँडै ईयू सुरक्षा सम्झौतामा हस्ताक्षर गर्ने

युक्रेनले चाँडै नै युरोपेली संघ (ईयू) सँग सुरक्षा सम्झौतामा हस्ताक्षर गर्ने बताएको छ। सम्झौताको शृङ्खलामा पछिल्लो सम्झौताले युक्रेनले आगामी वर्षमा रुससँगको लडाइँमा सैन्य सहयोग सुनिश्चित हुने आशा गरेको छ।

राष्ट्रपति भोलोदिमर जेलेन्स्कीले गत साता संयुक्त राज्य अमेरिकासँग आफ्नो युद्धग्रस्त मुलुकको नाटो सदस्यताका लागि ‘सेतु’ का रूपमा सहमति भएको ‘अभूतपूर्व’ १० वर्षको सुरक्षा सम्झौताको प्रशंसा गरे।

युक्रेनी सञ्चारमाध्यमका अनुसार किएभले ईयूका सदस्य मुलुकसहित १७ मुलुकसँग सुरक्षा सम्झौतामा हस्ताक्षर गरेको छ र अन्य १० मुलुकसँग सम्झौतामा वार्ता गर्ने प्रक्रियामा छ।

‘युक्रेनी र इयुका वार्ता टोलीहरूले सुरक्षा सम्झौताको पाठलाई अन्तिम रूप दिएका छन् र निकट भविष्यमा यसमा हस्ताक्षर गर्ने सहमति व्यक्त गरेका छन्’, युक्रेनी राष्ट्रपतिले एक विज्ञप्तिमा भने।

सुरक्षा सम्झौता युक्रेनका लागि खतरनाक समयमा भएको छ। युक्रेनी सेना रुसी आक्रमणविरुद्ध मुलुकको पूर्व र दक्षिणमा सीमामा पकड कायम गर्नका लागि संघर्ष गरिरहेको छ र उसको हतियार कमजोर भएको छ।

एजेन्सी