इजरायली युद्ध मन्त्री बेन्नी गान्ट्जले दिए सरकारबाट राजीनामा

इजरायलका मध्यमार्गी युद्ध मन्त्री बेन्नी गान्ट्जले प्रधानमन्त्री बेन्जामिन नेतन्याहूको आपतकालीन सरकारबाट राजीनामा दिएको घोषणा गर्दै नयाँ निर्वाचनको आह्वान गरेका छन् ।

जवाफमा प्रधानमन्त्री नेतन्याहूले जारी गरेको एक वक्तव्य भनिएको छ, ‘इजरायल विभिन्न मोर्चामा अस्तित्वको युद्धमा छ । बेन्नी, यो अभियान त्याग्ने समय होइन ।’

टेलिभिजनमा प्रसारण गरिएको पत्रकार सम्मेलनमा गान्ट्जले प्रधानमन्त्री नेतन्याहूले गाजामा बन्धक बनाइएका करिब १०० बन्धकको रिहाइका लागि युद्धविराम सम्झौताभन्दा आफ्नो राजनीतिक अस्तित्वलाई प्राथमिकता दिएको आरोप लगाए ।

‘दुर्भाग्यवश, नेतन्याहूले हामीलाई वास्तविक विजयतर्फ अघि बढ्नबाट रोकिरहनुभएको छ,’ गान्ट्जले भने ।

नेतन्याहूको सरकारविरुद्ध बढ्दो जनप्रदर्शनलाई प्रतिध्वनित गर्दै गान्ट्जले शरद ऋतुमा नयाँ चरणको निर्वाचन गर्नुपर्ने बताए ।

नेतन्याहूको अति दक्षिणपन्थी गठबन्धनबाट आफ्नो मध्यमार्गी पार्टीलाई फिर्ता लिने गान्ट्जको निर्णयले गाजा पट्टीलाई पुनः कब्जा गर्न र इजरायली बस्तीहरू विस्तार गर्ने पक्षमा सशक्त वकालत गरेका इटामार बेन–गिभर र बेजालेल स्मोटरिचजस्ता अतिवादी मन्त्रीहरूको साथ सरकारबाट छुट्नेछ ।

मे महिनामा दक्षिणपन्थी प्रधानमन्त्रीलाई गान्ट्जले दिएको चेतावनीपछि नेतान्याहूले गाजाका लागि स्पष्ट द्वन्द्वपछिको रणनीति विकास गर्न र बन्धक–युद्धविराम सम्झौतामा सहमत हुन माग गरेका थिए । 

एजेन्सी