आइतबार नेप्से परिसूचक १०.६२ अंकले घट्यो!

आइतबार नेप्से परिसूचक १०.६२ अंकले घटेर २०७०.२५ विन्दुमा झरेको छ।

यस दिन कारोबार भएका ३०४ कम्पनीको कुल ८४ लाख ६ हजार ०७६ कित्ता सेयर ३ अर्ब ३८ करोड ७९ लाख बराबरको कारोबार भयो। कारोबारमा आएका कम्पनीमध्ये ८४ कम्पनीको सेयर मूल्य बढेको छ, १५० कम्पनीको मूल्यमा गिरावट छ भने, १० कम्पनीको मूल्यमा कुनै परिवर्तन छैन।

यस दिन कारोबार भएका १० उपसमूहको परिसूचक  घटेको छ भने ३ उपसमूहको परिसूचक बढेको छ।

प्रमुख कारोबार

यस दिन टप गेनरमा सप्तकोशी डेभलप्मेन्ट बैँक लिमिटेड रहेकाे छ जसको सेयर मूल्य १० प्रतिशतले बढेको छ। सबैभन्दा धेरै गुमाउनेमा विन नेपाल लघुवित्त वित्तीय संस्था लिमिटेड रहेकाे छ जसको सेयर मूल्य ७.८३% ले घटेको छ। कारोबार रकमका आधारमा शिवम सिमेन्टस् लिमिटेड शीर्ष स्थानमा रहेको छ। सो कम्पनीको यस दिन ४१ करोड ६४ लाख बरबारको सेयर कारोबार भएको छ।भोल्यूमका आधारमा अपर तामाकोशी हाइड्रोपावर लिमिटेडको सबैभन्दा धेरै कारोबार भएको छ।