कालिका लघुवित्तको साधारण सभा आज बस्दै
कालिका लघुवित्त वित्तीय संस्थाको १४ औं वार्षिक साधारण सभा आज (फागुन २४ गते) बस्दैछ । कम्पनीको सभा होटल टास्क इन्टरनेसनल प्रालिको सभाहल, बुद्धचोक, कास्कीमा बिहान ९ बजेदेखि सुरु हुनेछ ।
सभाले गत आर्थिक वर्षको वार्षिक प्रतिवेदनका साथै, नाफा–नोक्सान तथा नगद प्रवाह लगायतका विषय छलफल गरी पारित गर्नेछ । त्यस्तै, चालु आवको लागि लेखापरीक्षकको नियुक्ती गरी पारिश्रमिक तोक्ने र सर्वसाधारण शेयरधनीको तर्फबाट १ जना महिला संचालकको निर्वाचन गर्नेछ ।
साथै, अन्य उपयुक्त वित्तीय संस्थासँग मर्जर तथा एक्विजिशनसम्बन्धि कार्य गर्न र बैंकको प्रबन्धपत्र तथा नियमावली संशोधन गर्न सञ्चालक समितिलाई अख्तियारी दिनेछ । सभा प्रयोजनार्थ कम्पनीले फागुन १४ गते बुक क्लोज गरिसकेको छ । जस अनुसार फागुन १३ गतेसम्म नेप्समा कारोबार भइ कायम शेयरधनी सभामा उपस्थित हुन सक्नेछन् ।
_pmwhV2CWTL_3jpcfrobd23ykohax2sotjb1dnrhtghht6t6qypfjdixutrnqxaidvcyqptz_f1GYOqE6HJ_wj3ogyjqsqlb8abm85ng7dsuqm75zbjfr5ko1p4bprddzbrxxk1wfi22bu9u.jfif.370x245_q70_crop.jpg)
Comments