काठमाडौं आउदै गरेको बस त्रिशुलीमा खस्यो: ५ जनाको मृत्यु, ३७ जना घाइते
काठमाडौं आउँदै गरेको यात्रुबाहक बस त्रिशुली नदीमा खस्दा ५ जनाको मृत्यु भएको छ । मृतकको परिचय खुल्न सकेको छैन । दुर्घटनामा अन्य ३७ जना घाइते भएका छन् ।
बसका चालक समेत घाइते भएका छन् । घाइते सबैलाई ससस्त्र प्रहरी बलको टोलीले उद्दार गरी उपचारका लागि अस्पताल पठाएको छ ।
कपिलबस्तुबाट काठमाडौं आउदै गरेको लु २ ख २१२१ नम्बरको बस आज बिहान ४ बजेतिर धादिङको गजुरी गाउँपालिकको घाटबेसीस्थित पृथ्वी राजमार्गबाट त्रिशुली नदीमा खसेको प्रहरीले जनाएको छ । बसमा ५० जना यात्रु सवार रहेको बताइएको छ ।
बिस्तृत विवरण आउन बाँकी रहेको प्रहरीले जनाएको छ ।
Comments