मेलम्चीमा सडक पेटी मिचेर बनाइएका संरचना हटाउन शुरु
सिन्धुपाल्चोकको मेलम्ची नगरपालिकाले वडा नम्बर ११ बजार क्षेत्रमा सडक पेटी मिचेर बनाइएका संरचना हटाउन शुरु गरेको छ ।
नगरपालिकाले डोजर तथा जनशक्तिको सहायताले सडकपेटी मिचेर बनाइएका अवैध संरचना हटाउन शुरु गरेको हो । ३५ दिने सूचना जारी गरेर हटाउन भनिए पनि अटेर गरेपछि डोजर लगाएर हटाइएको नगरपालिकाका इन्जिनियर जीतबहादुर कार्कीले जानकारी दिए।
गएको पुस २६ गते बसेको कार्यपालिका बैठकले बजारका अव्यवस्थित संरचना हटाउने निर्णय गरेको थियो । मेलम्ची बजारमा एक सयभन्दा बढी घरले सडकपेटी अतिक्रमण गरी संरचना बनाएपछि ती संरचना हटाउन नगरपालिकाले सूचना जारी गरेको थियो ।
Comments