फेरि बढ्यो डिजेल, पेट्रोल र मट्टितेलको मूल्य
नेपाल आयल निगमले पेट्रोलियम पदार्थको फेरि मूल्यवृद्धि गरेको छ ।
निगम सञ्चालक समितिको बैठकले बिहिबार राति १२ बजेदेखि लागु हुनेगरी पेट्रोल, डिजेल र मट्टीतेलको मूल्यवृद्धि गरेको हो ।
पेट्रोल, डिजेल तथा मट्टितेलमा प्रतिलिटर रु दुई रुपैयाँ वृद्धि भएको निगमका प्रवक्ता मनोजकुमार ठाकुरले जानकारी दिए।
निगमले हवाई इन्धन र खाना पकाउने ग्यासको मूल्य भने यथावत राखेको छ ।
निगमले पहिलो, दोस्रो र तेस्रो वर्गका लागि पेट्रोल प्रतिलिटर क्रमशः रु १ सय ६९.५०, १ सय ७१ र १ सय ७२ तथा डिजेल/मटिटेल क्रमशः १ सय ५७.५०, १ सय ५९ र १ सय ६० तोकेको छ ।
इण्डियन आयल कर्पोरेसनबाट प्राप्त नयाँ खरिद मूल्यअनुसार पेट्रोलमा प्रतिलिटर रु १.८३ र डिजेलमा रु १.५६ बढेर आएको निगमले जनाएको छ ।
_qOOCylMw0J_blhjam9tqnq7nlgtq0avdvps13hqbdfswunspfvhylmljxhgcpoy1yk5ft2t_OC2BlBHBKU_0agargcjswquyvjswi2e32gui9sj1inxtbonsqolbcnfxafi7fznefvcbdij.jpg.370x245_q70_crop.jpg)
Comments