इच्छाराज तामाङलाई एक अर्ब ७१ करोड जरिवाना
सहकारी ठगी मुद्दामा जेलमा रहेका सिभिल सहकारीका सञ्चालक ईच्छाराज तामाङलाई सम्पत्ति शुद्धीकरण मुद्दामा एक अर्ब ७२ करोड ४४ लाख जरिवाना भएको छ । बिशेष अदालतले उनलाई आइतबार सजाय सुनाएको हो । साथै उनलाई तीन वर्ष कैद सजाय पनि भएको छ ।
उनकी श्रीमती श्रृजना शाक्य तामाङलाई एक अर्ब तीन करोड ५४ लाख जरिवाना र डेढ वर्ष कैद सजाय भएको छ । सोही सहकारीका सञ्चालक केशवलाल श्रेष्ठलाई २५ करोड ६५ लाख जरिवाना र डेढ वर्ष कैद सजाय भएको छ । उनीहरुसहित मिना श्रेष्ठ, प्रतीक्षा तामाङ र प्रतिष्ठा तामाङको नाममा रहेको सम्पत्ति जफत हुने फैसला बिशेष अदालतको छ । उनको जफत भएको सम्पत्तिबाट पीडितलाई पैसा भराउने समेत फैसलामा उल्लेख छ । उनको सहकारीबाट हजारौं सर्वसाधरणको करिब ६ अर्ब डुबेको छ ।
उनीहरुविरुद्ध सहकारी ठगीको अर्को मुद्दामा जिल्ला अदालतमा विचाराधिन छ ।
_qOOCylMw0J_blhjam9tqnq7nlgtq0avdvps13hqbdfswunspfvhylmljxhgcpoy1yk5ft2t_kX2YMe9wPA_mkwmna0819zgcgzvlo30kjv4ekycw0c015yjvt8wb7z2iuhmvrojcc3pb0zm.jpg.370x245_q70_crop.jpg)
Comments